Azərbaycan inteqrasiyası
Bildiyimiz kimi 22 may 2012-ci il tarixində
Azərbaycanda Avropa şöhrətli 57-ci “Eurovision Song Contest”
(Avroviziya Mahnı Müsabiqəsinə) start veriləcəkdir. Bu bizim beynəlxalq arenada
say etibarilə barmaqla sayılan sosial-mədəni
uğurlarımızdan biridir. Düzdür müsabiqədə
ölkəmizi zəngin mənəvi dəyərlərimizlə yəni spesifik musiqi mədəniyyətimizlə təmsil
etməsəkdə, Avropa sayağı üslublardan da necə deyərlər başımız çıxır.
Azərbaycanın
gündən-günə gözəlləşdiyini danmaq mümkün deyil. Bunu həm vətəndaşlar, həm də
qonaq qismində xaricdən gələn turistlər də təsdiqləyir. Magistral və şosselərin
bərpası, yalnız mərkəzi küçələrin abadlaşdırılması, göydələn və körpülərin inşaası
buna maddi dəlildir.
Hər kəs bilir ki, ideal yəni, orada məskunlaşan
əhalinin bütün tələbatlarını lazımıca ödəyən məkan mövcud deyil. Azərbaycan da
belə yerlərə aiddir təbii ki. Hər yerin bir lokal, aktual problemi olduğu kimi
bu məmləkətin problemi də kütlənin düşüncəsindədir. Onları şərti olaraq iki
qrupa ayırmaq olar.
1.
Sovet
dövründə yaşamış təbəqə
2.
Yeni
təbəqə
Düşüncə
tərzlərinə, idealogiylarına, fikirlərinə,
tənqid və təsdiq etmə kriteriyalarına görə bir birindən kəskin fərqlənirlər.
Bilmirəm niyədir, birinci təbəqəni əhatə edən kütlə daha aqressiv, istənilən
prosesə daha könülsüz, cəmiyyətdə heç bir rolunun qalmadığını və cəmiyyətin belə
vəziyyətə gəlməsinin əsas problem resursu kimi gəncləri görür. 2-ci təbəqə isə
qismən tolerant rol oynanyır və cəmiyyətin əksər hissəsinin sosiallaşmasında
daha iddialı görsənir.
Yaşlı nəsli
hardasa başa düşmək olar, onların keşməkeşli həyat yoluna nəzər salsaq, düşüncələri
ilə tam adekvatdır. Gənclərin isə son
zamanlarda istər bu mövzuda istər başqa qeyri real düşünməsi artıq ölkədə ciddi
problemlərə gətirib çıxara bilər. Çünki strukturalizm nəzəriyəsinə biz əsaslansaq
görərik ki, elə cəmiyyətin lokomotivi gənclərdir.
Qayıdaq
müsabiqəyə. Müsabiqəyə qismən layiqli cəmiyyətin olduğu kəskin surətdə hər kəs
tərəfindən hiss olunur. Bizim xalq dözümlü xalqdır.Opponent tərəfdən bizə olan tənqidə, təzyiqə, atəşə, hücuma,
faciəyə, soyqırıma dözmüşük. Eləcə də şəhərin
mərkəzi küçələrində gəzən, vətəndaşların təbbi azadlıq və insan hüquqlarını
pozan“dilənçilərə” də. Kifayət qədər yer saymaq olar onlara rast gəlmək üçün. Ən
çox ictimai və kütlənin sıx olduğu yerlərdə
insanlara fərdi surətdə yaxılaşaraq müxtəlif özünəməxsus və daha
fundamental olan bəhanələrlə onlardan pul istəyirlər.Tutduqları mövqe o qədər
bonal və sadə, xarakterləri isə mənəviyyatsız olduğundan insanları onlara maddi
dəstək göstərməsi üçün dəfələrlə təkid edirlər. Əvvəl ən ucuz sayılan ictimai nəqliyyat
olan yeraltı metroda, asayiş keşikçilərindən də heç çəkinməyərək vətəndaşları
narahat edirlər. Maraqlısı budur ki, vətəndaşların narahat olunması heç onların
vecinə də deyil.
Məsələ təbii
ki bununla bitmir. Dilənçilərə rast gəldiyin müddətdə demək olar ki insan heç
bir qorxu sindromu yaşamır. Lakin onlarla paralel paytaxtımızın mərkəzi küçələrində
səyyar dilənçiliklə məşqul olan “ponyatkalı” vətəndaşlara da rast gəlinir.
Onlar da sakit adamlara yaxınlaşaraq müxtəlif bəhanələrlə pul istəyirlər.
Bayaqkı dilənçilərdən fərqi isə həm danışıqlar, həm də pulun miqdarıdır. 20
illik həyat təcrübəmdə bunu anlaya bilmədim. Mən şəxsən onlardan çox qorxuram.
Məndən nəsə istədikləri zaman onların arzularını reallaşdırmayacağı təqdirdə başıma
gələ biləcək posesləri gözümün önündə canlandıranda vəziyyətim kifayət qədər acınacaqlı
olur. Onlar özünəməxsus tərzdə Azərbaycan dilinə daxil olmayan və jarqon sözlərdən
istifadə edərək əks tərəfin inamını qazanmağa çalışır. Belələrinə qarşı heç bir tədbir əlbətdə ki, nəticəsiz və
uğursuz olacaqdır. Bu indiyə qədər olub
“Eurovision” ərəfəsində də olacaqdır. Turistlərin təhlükəsizliyini qorumaq məqsədilə
Təhlükəsizlik
Konsepsiyası hazırlanıb və Bakı Şəhər Baş Polis İdarəsinin İctimai təhlükəsizlik
idarəsinin rəisi Nurullah Məmmədxanlı bəyanat yaymışdır
ki, “Bakı polis qarnizonunun 30 faizi müsabiqənin təhlükəsizliyini təmin etmək
məqsədilə xidmətə cəlb ediləcək”. Beynəlxalq tədbirdə təhlükəsizliyin obyektiv və
daha üstün səviyyədə keçirilməsi üçün geridə qoyduğumuz illərdə “Eurovision”
mahnı müsabiqəsinə ev sahibliyi etmiş Rusiya, Ukrayna və Almaniyadan teorik
olmasa da praktiki təcrübələr toplanmaqdadır.
Dövlət
Statistika Komitəsinin verdiyi məlumata görə hər gün paytaxtımızı digər şəhər və
rayonlardan 50.000 avtomobil ziyarət edir. Sıxlıqların qarşısının alınması üçün
buna qismən məhduduiyyət qoyulacaqdır. Ümidvarıq ki, hər şey “Eurovision” turistlərinin
ürəyincə olacaq.
Комментариев нет:
Отправить комментарий